क्राईम शहर

भिवंडी – कल्याण रोडचे निकृष्ठ काम करणाऱ्या ठेकेदारावर कारवाई करा मनविसेची मागणी.

भिवंडी शहर भागातील रोडची कामे निकृष्ठ दर्जाची होत असल्याच्या तक्रारी होत असून आता भिवंडी - कल्याण या रोडच्या कामात ठेकेदाराने हलगर्जीपणा
भिवंडी – कल्याण रोडचे निकृष्ठ काम करणाऱ्या ठेकेदारावर कारवाई करा मनविसेची मागणी.
 भिवंडी – भिवंडी शहर आणि ग्रामीण भागातील रोडची कामे निकृष्ठ दर्जाची होत असल्याच्या तक्रारी होत असून आता भिवंडी – कल्याण या रोडच्या कामात ठेकेदाराने हलगर्जीपणा, मनमानी कारभार केला असून या रोडचे काम देखील निकृष्ट दर्जाचे केल्याचा आरोप महाराष्ट्र नवनिर्माण विद्यार्थी सेनेचे तालुका अध्यक्ष परेश चौधरी यांनी केला असून रोडचे निकृष्ठ काम करणाऱ्या ठेकेदारावर कारवाई करण्याची मागणी देखील चौधरी यांनी महाराष्ट्र राज्य रस्ते विकास महामंडळाचे मुख्य अभियंता सोनटक्के यांच्याकडे लेखी निवेदनाद्वारे केली आहे.
ठेकेदारावर कारवाई होत नसल्याने मनविसे आंदोलनाच्या पवित्र्यात

विशेष म्हणजे या रोडच्या निकृष्ठ कामाचे पुरावे देखील चौधरी यांनी मुख्य अभियंता यांना दिले आहेत मात्र तरी देखील ठेकेदारावर कोणतीच कारवाई होत नसल्याने मनविसेना आंदोलनाच्या पवित्र्यात आहे.
भिवंडी कल्याण शीळ या मार्गावर नेहमीच वाहतूक कोंडी होत असल्याने सदर महामार्गावर रोड रुंदीकरणाचे काम महाराष्ट्र राज्य रस्ते विकास महामंडळाच्या माध्यमातून सुरु आहे. या रस्त्यावरून कल्याण, बदलापूर, अंबरनाथ, डोंबिवली, उल्हासनगर तसेच मुरबाड येथे जाण्याकरीताचा एकमेव व महत्वाचा तसेच मुख्य रस्ता असून हजारो हलक्या व अवजड वाहनांची वाहतूक या रस्त्यावरून होत असते.

कमी दर्जाचे सिमेंट काँक्रेट रस्त्याच्या कामासाठी

भिवंडी-कल्याण-शिळ सहापदरी सिमेंट कॉक्रीटचा रस्ता बनविण्यात येत असून लॉकडाऊनच्या काळात देखील हे काम मोठ्या प्रमाणावर सुरु आहे. परंतु या काळात तयार करण्यात आलेला रोड निकृष्ठ दर्जाचा असल्याची तक्रार मनविसेनेचे तालुकाध्यक्ष परेश चौधरी यांनी केली असून. मे, साकेत इन्फ्रा ह्या कंपनीच्या माध्यमातून कमी दर्जाचे सिमेंट काँक्रेट या रस्त्याच्या कामासाठी वापरले जात असून ठिकठिकाणी रोडला तडे जायला सुरुवात झालेली आहे.

मातीवरच रेडी मिक्स सिमेंट टाकून रोड बनवला असल्याचे पुरावे

विशेष म्हणजे भिवंडी बायपास येथे असलेल्या टाटा आमंत्रा या निवासी संकुलनासमोर ठेकेदाराने चक्क मातीवरच रेडी मिक्स सिमेंट टाकून रोड बनवला असल्याचे पुरावे देखील चौधरी यांनी रस्ते विकास महामंडळाला सादर केले आहेत . रोड बनवितांना शासकीय नियमांचे उल्लंघन ठेकेदाराने केले असून यासंदर्भात आपण वेळोवेळी शासकीय व जबाबदार अधिकाऱ्यांकडे लेखी तक्रारी करत असूनही त्या तक्रारींकडॆ आजही दुर्लक्ष होत असल्याने भविष्यात या रोडच्या निकृष्ठ कामा बाबत व ठेकेदारावर कारवाई व्हावी तसेच संबंधित कामाची आयआयटी मार्फत चौकशी करण्यात यावी अन्यथा आपण भिवंडी बायपास येथे तीव्र आंदोलन छेडणार असल्याचा इशारा मनविसेनेचे तालुकाध्यक्ष परेश चौधरी यांनी दिली आहे.

आमच्या आणखी बातम्या पाहण्यासाठी क्लिक करा :webnewswala.comआमच्या सर्व बातम्यांसाठी फॉलो करा :फेसबुक | ट्विटर | इंस्टाग्राम | youtube | Sharechat | Copyright © Webnewswala All rights reserved.

Related posts

देहविक्री करणाऱ्या महिलांच्या मुलांसाठी ग्रेस फाउंडेशन कडुन टॅब

Team webnewswala

बलुचिस्तान हक्कांसाठी लढणाऱ्या करिमा बलोच यांची हत्या

Web News Wala

भिवंडी – गॅरेज मध्ये घुसलेल्या सापाची सर्पमित्रांकडून सुटका

Web News Wala

Leave a Reply